طريقة عمل بلح الشام
المقادير:
- 2كوب دقيق
- 2كوب ونصف ماء
- نصف كوب زيت
- ملعقة صغيرة سكر
- 3ملاعق كبيرة نشا
- رشة ملح
- 3بيضات
- ملعقة كبيرة فانيليا
- زيت للقلي
- شربات بارد تقيل
- مقادير الشربات
- 2كوب سكر
- كوب ونصف ماء
- ملعقة صغيرة فانيليا
- ملعقة صغيرة عصير ليمون
- اول حاجة نحضر الشربات هنحط الماء والسكر علي النار اول مايغي نوطي ونضع عصير الليمون ونسيبه 5دقايق لحد مايتقل وقبل مانطفي بدقيقتين نضع الفانيليا
تحضير بلح الشام:
- نحضر اناء علي النار ونحط فيه الماء والسكروالزيت ونتركه يغلي
- ننخل الدقيق والملح وبيكنج البودر والنشا مع بعض كويس جدا وبعدين ننزل بالدقيق علي الخليط بمجرد غليان الماء اللي علي النار ونقلب بسرعة بسرعة بملعقة خشب حتي لايكلكع ولكن يصبح متماسك فقط ونطفي النار
- نتركه حتي يبرد تماما او لو عندك عجان حطيه تحت العجان وخرجي منه كل الهواء الساخن وبعد التاكد من بروده تماما ولو العجينة بتلزق في ايدك متقلقيش دي كدة ناجحة وابداي بقي ضيفي بيضة وقلبي ثم التانية وقلبي والتالتة وهكذا ثم ضيفي الفانيليا
- في مقلاة ضعي زيت غزير ويجب الا يكون ساخن جدا ولكن دافئ حتي لا يتحمر سريعا ويكون بالداخل عجين وفي قمع بلح الشام املايه بالعجين وانزلي به في الزيت مع التقليب باستمرار ولو الزيت سخن منك برديه تاني وبعدين شغلي عليه واشتغلي تاني
- بلح الشام اللي يطلع يجب وضعه ساخن في الشربات البارد وتركه 5دقايق ثم نشله من الشربات وهكذا حتى تنتهي وممكن تزينه لو حبيتي باللوز او الفستق وبالهنا والشفا
ليست هناك تعليقات:
إرسال تعليق